Аналитичарите на кинескиот медиум Соху сметаат дека Русија може да обедини повеќе земји кои сакаат да го побараат од САД својот драгоцен метал кој таму е складиран.
По потпишувањето на договорот Bretton Voods, според кој американскиот долар станал нова резервна валута во светскиот финансиски систем, многу земји ги пренеле своите златни резерви во САД.
Се до денес, Федералната банка која се наоѓа во Њујорк делувала како главен склад на жолтиот метал, каде, според кажувањето на експертите, има околу седум илјади тони злато.
– Долги години американската Федерална резерва е сметана за најсигурно место на светот за чување злато, но денес не се мисли така – изнел мислење експерт од Соху.
Многу експерти денес се сложуваат дека во наредните неколку години вредноста на доларот може да падне за 16%.
Со тоа, многу држави не би имале ништо против враќање на драгоцениот метал.
Но не е се така едноставно, американските власти се сериозно загрижени заради можната масовна евакуација на злато, бидејќи тоа би можело да создаде паника на финансиските пазари и на крајот да ја доведат американската економија до катастрофа.
Со цел да го избегне тоа, Вашингтон оди на различни трикови за да ја искомплицира постапката на враќање на златните резерви.
Кинескиот експерт спомнува дека во моментот најмалце 13 земји сакаат да го подигнат своето злато од САД.
Со оглед на тоа дека САД не се подготвени да ги поддржат во овој процес, Русија, која во последните години станала клучен играч на пазарот на благородни метали, може да интервенира.
Според аналитичарите, Москва е таа која може да ги обедини другите држави околу себе и да им даде поддршка да почнат да бараат поврат на имотот.
Со голем степен на веројатност, Фед нема да може да издржи таков силен напад и ќе мора да се одрече од златото.