„Не можеме да го контролираме вирусот, но можеме да ја контролираме кондицијата“, вели Арнолд Шварценегер, кој е во изолација со остатокот од светот. Тој го знае ова најдобро и во оваа ситуација е доста снаодлив.
Ако ви треба инспирација, дефинитивно вреди да го погледнете видеото кое го снимил во неговиот двор како тренира со само едно парче опрема.
„Остани дома, остани фит“, напиша тој.
Шварценегер прво се загрева и секогаш напоменува дека тоа е најважниот чекор. После тоа тој импровизира со неколку вежби со тежини.
„Само сакам да ви покажам дека импровизацијата е важна. Се додека правите нешто секој ден – се брои. Може да возиш велосипед, склекови, да најдеш тегови, шишиња со вода, сè што може да создаде отпор “, ги советува луѓето и направи уште една серија кратки вежби за да ги охрабри луѓето да не забораваат да одржуваат форма.
„Да тренираме дома. Хаста ла виста“, кажа тој на крајот.