Чоколадни палачинки, необични и превкусни! (РЕЦЕПТ)

Кој не сака палачинки… Обични или чоколадо со безброј вкусни филови и комбинации, кој може да им одолее?! Невообичаено и вкусно!

Состојки:

3 јајца

80 гр шеќер

1/4 лажичка сол

350 мл млеко

150 мл вода

90 гр грчки јогурт

3 лажици масло

1 лажичка екстракт од ванила

180 гр брашно

35 гр какао во прав

30 гр стопен несолен путер (може да биде и маргарин за колачи)

масло за пржење

Полнење со крем сирење (по избор)

100 – 200 гр слатка павлака (во зависност од тоа колку сакате цврст фил)

60 гр шеќер во прав

3 лажички ванилин шеќер

300 гр крем сирење

чоколадо за шарање

Подготовка:

Изматете јајца, шеќер и сол.

Додадете млеко, вода, грчки јогурт, масло, екстракт од ванила, просеано брашно и просеано какао. Изматете сè убаво.

Промешајте растопен путер.

Оставете да отстои 30 минути.

Загрејте лажица масло да биде жешко пред да ја истурите смесата. Пржете ги палачинките на вообичаен начин. Додадете лажица масло пред секоја палачинка.

Истурете ја смесата со едната рака и брзо извртете ја тавата со другата, така што смесата се распределува рамномерно. Тавата треба да биде онаа што не лепи, а големината не е важна. Единствено што е важно е палачинките да не се дебели.

Пржете околу 45-60 секунди од едната страна, свртете ја палачинката и пржете уште 30 секунди.

Наполнете ги палачинките по желба.

Еден фил може да биде со топено бело чоколадо, кокос и сецкани лешници.

Втор фил може да биде Еурокрем со мелена плазма. Убаво е и кога ќе се додадат свежо овошје или палачинки со некој џем.

За ова полнење со крем сирење, изматете ја слатката павлака.

Додадете шеќер во прав и ванилин шеќер и добро изматете.

Промешајте крем сирење.

Палачинките завиткајте ги во форма по ваш избор.

Посипете со стопено чоколадо.

Овие палачинки се многу лесни и благи по вкус, како и фолот со крем сирење, и не се многу слатки. Затоа, според вашиот вкус, изберете го филот што ви се допаѓа, за повеќе или помалку слатка варијанта.

Пријатно!