Како јајца од диносаурус: Камења од кои се „извеле“ легенди и најубави фотографии
Локалците ја објаснуваат оваа појава со разни легенди. Така, една легенда вели дека ова се остатоци од корпи за јагули што морето ги донело на брегот по потонувањето на некоја едрилица…
На брегот на познатото рибарско село Моераки во Нов Зеланд, лежи огромна расфрлана карпа што сè уште ја поттикнува имагинацијата и различните легенди за нејзиното потекло.
Камењата се огромни, тешки неколку тони и се смета дека се формирани пред 60 милиони години. Нивната големина варира од половина метар до дури неколку метри. Нивните пукнатини ги прават уште поинтересни затоа што изгледаат како нешто да излегло од тој камен.
За нив во колонијалните извештаи и дневниците за патувања пишувале патописци од 19 век, а населението има свои теории за потеклото на камењата.
Локалците ја објаснуваат оваа појава со разни легенди. Така, една легенда вели дека ова се остатоци од корпи за јагули што морето ги донело на брегот по потонувањето на некоја едрилица.
Друга вели дека карпите ги претставуваат телата на морнарите кои се претвориле во камен по бура и бродолом. Овие морнари биле првите доселеници во Нов Зеланд (барем требало да бидат).
Исто така, постојат различни приказни со вонземјани, а овие слатки карпи потсетуваат и на јајца на диносауруси. Убавината е навистина во очите на набудувачот
Туристичка атракција
Вистина е дека камењата всушност лежеле под земја со милиони години се додека морето не ги измило песокот и тињата што го покривале. Тие се формирале во морската кал и им биле потребни милиони години додека не ја добиле сегашната форма и големина.
Такви камења ќе најдете и во други делови на Нов Зеланд, само овие се најпознати поради нивната висока концентрација. На крајот на краиштата, Моераки е веќе позната туристичка дестинација.
Ќе имаше уште повеќе ако луѓето не ги тргнеле од плажите во текот на 19 век – тие некогаш ги користеле како градежен материјал, понекогаш и како украс или сувенир. Денес, тие се заштитени и нивното отстранување од плажата е забрането со закон, така што можете да бидете задоволни „само“ со некои од сувенирите во форма на овој необичен камен.
