Ставете го дијабетесот во ремисија: Ново истражување открива дека диетите со малку хидрати можат да го регулираат шеќерот
Новиот систематски преглед и мета-анализа објавена во Британскиот медицински журнал заклучи дека придржувањето кон диета со малку јаглени хидрати за шест месеци е најефективната диетална стратегија за ставање во ремисија на дијабетес тип 2, пишува Atуз Атлас.
Претходно, се покажа дека диета со малку калории, диета на пост и диета базирана на зеленчук и овошје е потенцијална корист при контролирање, па дури и доведување во ремисија на дијабетес тип 2, а во една нова студија, научниците се обиделе да откријат кој тип на диета е најдобар.
Диетата со малку јаглени хидрати е дефинирана во новата студија како: „диета со помалку од 130 грама јаглехидрати на ден или помалку од 26 проценти калории од јаглехидрати врз основа на внес на калории од 2.000 калории на ден“. Групата што воведе ваква диета се спореди со контролната група, составена од субјекти кои биле на диета контролирана од калории, давајќи предност на храна со малку маснотии.
Студијата користела 23 објавени клинички испитувања од целиот свет, во кои учествувале 1.357 учесници, објасни Џошуа Голденберг, водач на студијата. Студијата покажа дека шест месеци подоцна, субјектите со ниски јаглехидрати постигнале поголема стапка на ремисија на дијабетес отколку оние кои биле подложени на втората диета. „Комбинирање на осум испитувања, особено мета-анализа, сугерира дека диетата со малку јаглени хидрати доведе до 32 проценти поголема стапка на ремисија на болеста во споредба со контролната група“, рече Голденберг.
Студијата ги испита и долгорочните ефекти на диетата со малку јаглени хидрати, испитувајќи низа студии со периоди на следење од минимум 12 месеци. Многу важен наод на истражувачите е дека придобивките што ваквата диета ги имаше во првата година, исчезнаа по тој период. Прашањата во врска со долгорочната ефикасност на диетата со малку јаглени хидрати не се нови. Една неодамнешна студија сугерираше дека премалку јаглени хидрати во исхраната можат да бидат штетни за подолг временски период како и премногу јаглехидрати. Тимот кој стои зад оваа најнова анализа укажува дека информациите за ова прашање не се целосно јасни и дека има премалку клинички испитувања со силни податоци за влијанието на ограничувањето на јаглени хидрати за подолг временски период.