Вистинска љубов или нездрава опсесија? За бракот на Мерилин Монро се зборува и денес

Мерилин Монро и Џо Димаџо и денес се истакнуваат како пример за остварен американски сон. Холивудската актерка и една од најдобрите бејзбол играчи во историјата на спортот имаа многу скромни почетоци, но благодарение на нејзиниот талент тие постигнаа голема слава и успех.

За нивниот брак – склучен на 14 јануари 1954 година – сè уште се расправа. Џо Ди Маџо собори бројни рекорди играјќи за Њујорк Јенкис во првата половина на 20 век, а медиумите го третираа како спортско божество. Кога тој го објави своето пензионирање во декември 1951 година, љубителите на бејзболот беа неутешни. Тој, пак, реши да исполни голема желба и да се сретне со младата актерка во подем Мерилин Монро, за која не можеше да престане да размислува.

Мерилин беше успешен фото модел, имаше помали улоги во филмови и се обидуваше да се пробие во актерскиот свет. Кога еден познаник и рече дека Џо Димаџо сака да ја запознае, таа беше многу скептична. Но, на крајот таа се согласи да се сретне.

Очекував впечатлив спортист од Њујорк и наместо тоа се сретнав со резервирано момче , напишала актерката во својата автобиографија „Мојата приказна“. Тој се однесуваше кон мене како да сум нешто посебно, додаде таа.

Џо реши да и се додворува како вистински џентлмен, иако хемијата меѓу нив беше експлозивна од самиот почеток.