ВИКЕНД РУЧЕК! Компири со шампињони

Компирите може да се подготват во разни комбинации, а доколку ги подготвите со печурки, ќе имате комплетен ручек

Состојки:

1 кг компири

200 гр шампињони

главица црвен кромид

три чешниња лук

две црвени пиперки

една лажичка мелен пипер

лажичка сув билен зачин

сол, сусам

магдонос, масло

Подготовка:

Сварете ги компирите со лушпата. Кога ќе се изладат, излупете ги и исечете ги на поголеми парчиња. Пропржете го кромидот, па додадете ги шампињоните исечени на листови и пиперката исечкана на прстени.

Пропржете неколку минути, додадете мелен пипер, лук и други зачини.

Наредете ги компирите во сад за печење, истурете ги печурките, посипете ги со сусам и печете во рерна.

Пријатно јадење!