Хибискус: Чај без кој не се влегува во есента, зачин кој го освежува вкусот на храната

Билка чии цветови може да се користат не само за правење пијалоци, туку и како суптилен додаток на салати или како елегантна декорација за софистицирани јадења

Ако уживате во освежителниот вкус на покиселите пијалоци, тогаш хибискусот е вашиот избор.

Како и повеќето чаеви кои имаат благотворно и смирувачко дејство на целото тело, сакаме да го консумираме во моменти на релаксација со попладневен разговор со соседите или кога грлото ни е болно, а носот ни е затнат.

Според порталот „MedicalNewsToday“, најчесто користена сорта е Hibiscus sabdariffa, позната и како „розела“.

Чајот од хибискус исто така има одредени придобивки за кардиоваскуларниот систем, помагајќи да се регулира крвниот притисок.

Неговата чашка обично се користи за чај, иако другите делови од растението, како што се лисјата, семките и корените, се безбедни за конзумирање. Истражувањата покажаа дека екстрактите од чашката и листовите од хибискус имаат антиоксидантно дејство. Затоа, можат да заштитат од стареење и дејството на слободните радикали на клеточно ниво.