Холивудскиот актер Ештон Качер (44) откри дека се бори со автоимуно нарушување (васкулитис) поради кое не може да гледа, слуша или оди.
– Како пред две години, ја имав оваа чудна, супер-ретка форма на васкулитис што ми го уништи видот, слухот и рамнотежата – изјави Качер.
Тој рече дека му била потребна околу една година да го обнови секое сетило.
Васкулитисот е многу ретко автоимуно нарушување кое може да предизвика воспаление на крвните садови, што резултира со ограничен проток на крв, според Клиниката Мајо. Постојат многу видови на васкулитис, но повеќето влијаат на најмалку еден орган.
„Навистина не го цените тоа додека не го снема“, рече Качер.
„Додека не кажете: Не знам дали некогаш ќе можам повторно да гледам, не знам дали некогаш повторно ќе можам да слушам, не знам дали некогаш ќе можам повторно да одам“.
„Имам среќа што сум жив“ – додал тој, а пренесува Page Six.
Сега целосно закрепнат од ужасната здравствена состојба, актерот вели дека не дозволува ниту еден предизвик да му застане на патот до успехот.
– Во моментот кога ќе почнете да ги гледате своите препреки како работи што се направени за вас, да ви го дадат она што ви треба, тогаш животот почнува да станува забавен, нели? – изјави Качер, кој има две деца со сопругата Мила Кунис.
„Почнувате да сурфате над вашите проблеми наместо да живеете под нив“.