Зои Кравиц се кае што јавно го критикуваше Вил Смит: „Застрашувачко време е да се има мислење“

Актерката Зои Кравиц се пожали на The Wall Street Journal за нејзината одлука јавно да го повика Вил Смит за шлаканицата на Крис Рок на Оскарите. Неколку дена по инцидентот, ѕвездата на „Бетмен“, која е и ќерка на рокерот Лени Кравиц, објави фотографија на Инстаграм од црвениот тепих на Оскарите и напиша: „Еве слика од мојот фустан на ревијата каде очигледно ги напаѓаме луѓето на сцената“.

Кравиц исто така рече „не“ кога корисник на социјалните мрежи ја праша дали ги поддржува постапките на Смит.

– Се мислам што да кажам во моментов, затоа што треба да зборувам за тоа. Имам многу комплицирани чувства за тоа – изјави Зои Кравиц за The Wall Street Journal за тоа како решила да го коментира шамарот на Оскарите.

– Посакувам да го решив поинаку. И тоа е во ред – изјавила актерката.

Објавата на Кравиц за шамарот привлече внимание и наиде на критики од приврзаниците на Вил Смит.

– Страшно време е да се има мислење или да се каже погрешна работа или да се даде контроверзна изјава. Најмногу е страшно бидејќи уметноста е разговор. Тоа, според мене, секогаш треба да биде поентата. Интернетот е спротивно на разговорот. Интернетот се луѓе кои ги изнесуваат работите и не придонесуваат ништо – изјави Кравиц за The Wall Street Journal, пренесува „Variety“.