„Рејчел“ фризурата од 90-тите повторно е во мода: Девојките сами се шишаат за да наликуваат на Џенифер
Иконските фризури како „големата афро“ што ја носи Дијана Рос или брановите во косата кои совршено и прилегаат на Грејс Кели никогаш нема да бидат заборавени. Помеѓу фризурите кои останаа познати по личноста што ги носеше, ja има и скалестaта боб фризура, или како што многумина ја нарекуваат „Рејчел“, по улогата на Џенифер Анистон во легендарната „Пријатели“.
Приказната зад создавањето на оваа фризура е всушност доста забавна. За време на снимањето на првите неколку епизоди, фризерите и стилистите сфатиле дека Џенифер има густа коса која тешко се скротува.
Решението за тоа била нова фризура. Сепак, ниту актерката ниту нејзиниот фризер не знаеле која да ја изберат, па идеалното решение го пронашле во степенаста фризура. Косата станувала пократка, но не била полесно да се стилизира. Нивната игра роди култна фризура која повторно се враќа во мода.
Обновената популарност на оваа фризура стилистите ја објаснуваат со тоа што сега се повеќе жени сакаат фризура која е лесна за одржување и не бара чести посети на фризер, а оваа е токму таа.
Девојките на социјалната мрежа TikTok се почесто објавуваат видеа на кои се шишаат сами за да добијат фризура „The Rachel“, или барем таква што наликува на неа.
@hillaryalvarezz Reply to @stylesofgrace Thank you💡✨😁 #haircut #hairstyle #oneminutemullet #rachel #friends #hair #curtainbang #fyp #parati #xybzca #tutorial
Девојката по име Хилари направила видео во кое детално објаснува како да се добие фризурата „The Rachel“. Иако видеото е детално, оваа фризура не е нималку лесна за правење поради нејзините слоеви, па затоа најдобро е да отидете кај вашиот фризер.
Дали ви се допаѓа фактот што оваа фризура се враќа и повторно е во тренд?