Овој намаз ќе ја збогати секоја трпеза, а ќе сакате да го правите секој ден
Без разлика дали сакате да внесете нешто ново во вашиот појадок или сакате нешто солено и вкусно за ужина, овој намаз со лосос и крем сирење сигурно ќе ви се најде:
Состојки:
150 гр крем сирење
три лажици мајонез
една лажица сок од лимон
четвртина лажичка босилек
500 гр филе лосос
два млади кромидчиња
сол, бибер
Подготовка:
Сварете го лососот во врела вода, а потоа исцедете го и изладете. Во блендер ставете ги крем сирењето, мајонезот и сокот од лимон. Додадете босилек, сол и бибер, па добро измешајте за да добиете еднолична смеса. Потоа додадете ситно сечкан млад кромид и сечканиот лосос, па измешајте уште малку за да добиете компактна, но не целосно уситнета паштета. Послужете со леб.