НЕ Е САМО ЗА УБАВИНА! Стоматолог открива ЗОШТО Е ОПАСНО да се има ЗАБЕН КАМЕН!

Стоматологот Јелена Босиоковиќ истакнува дека забниот камен може да предизвика многу здравствени проблеми

Доколку визуелно, но и при поминување со јазикот над забите, забележите наслаги кои не се отстрануваат со обично четкање, тоа значи дека станува збор за забен камен.

Забниот камен всушност е минерализиран дентален плак, кој е предизвикан од недоволно и неправилно четкање на забите.

– Не е предизвикан од тврда вода, туку е последица на недоволна хигиена. Ако остане неотстранет предизвикува воспаление на непцата, под него може да се развие кариес, може да премине во пародонтална болест и да предизвика олабавување на забите – вели д-р Јелена Босиоковиќ и додава:

– Забниот камен треба професионално да се чисти кај стоматолог најмалку два пати годишно.

Отстранувањето на забен камен се врши со помош на ултразвучна машина, по што следи полирање на забите со абразивни пасти.

Чистењето на каменот значи не само отстранување на каменот, туку и меките наслаги и пигментацијата од пушењето и храната.

Интервенцијата е сосема безбедна и не ги оштетува вашите заби.