РУЧЕК ЗА ДЕНЕС: Караџорџева шницла по кафански рецепт!

Ова гурманско јадење се подготвува изненадувачки лесно

 

Состојки:

 

• 800 гр свинско филе
• 150 гр стар или зрел кајмак
• 30 гр брашно
• 2 јајца
• 30 гр презнла
• 30 гр брашно
• масло, сол

 

Подготовка:

 

Шницлите добро истенчете ги со чекан за месо, па посолете ги ситно и додајте зачини по вкус. Оставете ги на страна за да омекне месото. Месото премачкајте го со кајмак, завиткајте го во ролна, а аглите повлечете ги внатре за да не истече кајмакот при пржењето. Изматете ги јајцата, па во две одвоени чинии истурете ги презлата и брашното. Најпрво го валкате месото во брашно, па во јајца, па во презла. Во подлабоко тавче сипете поголема количина масло и кога ќе се загрее маслото спуштете ги подготвените шницли. Пржете ги рамномерно, вртејќи ги повремено и нежно, додека не поруменат. Извадете ги од тавата и ставете ги на чинија обложена со хартиена крпа за да се исцеди вишокот масло. Послужете со помфрит, тартат сос и едно парче лимон.