Трикови кои ќе ви помогнат засекогаш да се ослободите од мравките во домот

Со доаѓањето на пролетта и потоплото време, многу инсекти почнуваат да влегуваат во нашиот дом, а најтешко е да се ослободиме од упорните мравки во кујната.

Откако ќе најдат храна, речиси е невозможно да ги „избркате“ од дома. Ова се некои од најдобрите природни решенија на кои можете да се потпрете кога овие инсекти ќе го „нападнат“ вашиот простор.

Нане

Засадете нане околу вашиот дом или на терасата за да ги одвратите инсектите. Нането природно ги одбива инсектите. Можете да засадите нане или да користите есенцијално масло од пеперминт како природен лек за одбрана од мравките. Мравките го мразат неговиот мирис, а вашиот дом ќе мириса свежо!
Ставете неколку капки есенцијално масло на памук и избришете ги сите потенцијални места каде што влегуваат мравките.

Оцет

Измешајте 50/50 раствор од оцет и вода во шише со распрскувач.
Рамномерно испрскајте ги мравките за да ги убиете, а потоа избришете ги мравките со влажна марамица и фрлете ги.

Цимет

Циметот е одлична опција за убивање мравки. Кога мравката вдишува цимет, таа се задушува и умира. Можете да користите мелен цимет и да го посипете околу отворот на мравјалникот. Етеричното масло од цимет, исто така, делува добро за одбивање на мравките.
Измешајте неколку капки масло од цимет со вода и испрскајте околу вратите, прозорците и пукнатините.