Дизајнерка на ентериер открива: Ова се најчестите грешки кои ги правиме при уредување на домот
Дизајнерката на ентериер, Џен Стенбрук, се осврна на трендовите за уредување на домот и им предложи на луѓето кои штотуку почнаа да реновираат кои трендови се непожелни, непотребни или едноставно тешки за одржување.
Никогаш не ги бојадисувајте ѕидовите темно сина или темно сива
Темните бои на ѕидовите беа првите меѓу „лошите“ трендови.
-Доколку имате темно сини ѕидови, можете да ги разубавите ако префарбате само еден ѕид во посветла боја, по можност тој што прво ќе го видите кога ќе влезете во собата – рекла Џен и додала дека ако не ви се допаѓа белата боја , осветлете ја темната соба со бледо сива боја. Ако сакате да додадете малку „радост“ во просторот, украсете го ѕидот со шарени слики.
Избегнувајте темно сини и темно сиви кујнски кабинети
Џен објасни дека треба да избегнувате темно сини кујнски кабинети и да се држите до посветли и неутрални бои. Но, ако веќе се во темно сина боја, треба да ги исчистите површините на кујната за да изгледа попространа.
– Иако можеби е прескапо менувањето на темносините кујнски кабинети, можете да ја направите целата соба посветла со отстранување на „ѓубрето“ и отстранување на сè од работните површини освен најпотребните апарати – советува таа.
Избегнувајте црни славини и црни тушеви
– Бидејќи црната боја не е по сечиј вкус, подобро набавете хромирани славини, нивното заменување е полесно отколку што мислите и можете да го направите за неколку минути – изјави Џен.
Не поставувајте бакарни славини
– Бакарните додатоци моментално се многу популарни во ентериерите на домот, иако можеби не одговараат на сечиј вкус – објасни таа. Ако ви се допаѓаат и не можете да ги промените, подобро ќе изгледаат ако ги усогласите со други додатоци. Поврзете ги со други бакарни парчиња како вазни, држачи за садови или тостери.
Избегнувајте темно сиви рамки околу прозорите
Посветлите бои од прозорските рамки се попривлечни за луѓето или за потенцијалните купувачи, објасни Џен. Ако имате потемни рамки, можете да ги намалите со бели ролетни за прозорци.
Не ставајте плочки во дневната соба
Плочките во дневната соба во никој случај не се пожелни бидејќи не оставаат впечаток на удобност и топлина. Доколку веќе сте се вселиле во куќа со плочки во дневната соба, можете да ги покриете со убав украсен тепих.
Избегнувајте бели плочки со темна фуга
Темната фуга изгледа прилично необично, па можат да изгледаат и модерни. Сепак, темната смеса е поскапа и многу посложена за нанесување од класичната бела боја.