Ја вадите шминката со марамчиња? Само на овој начин можете целосно да ја отстраните!
Некои жени сосема избегнуваат да користат марамчиња за отстранување шминка, додека други секогаш ги имаат на полицата во бањата.
Шминката мора целосно да се отстрани пред спиење, а дури потоа може да нанесете крема, серум или друг сличен производ. Само кога целосно ќе ја отстраните, ќе дозволите кожата да се регенерира во текот на ноќта.
Но, ако ја отстранувате шминката со марамчиња, треба да знаете дека тие сами по себе не се доволни. Затоа, по нив, задолжително измијте го лицето со гел или пена. Така ќе бидете посигурни дека сте ги отстраниле сите остатоци од шминката.
Исто така, никогаш не го тријте лицето со марамчиња агресивно. Кога купувате марамчиња за отстранување на шминка, обрнете внимание на состојките за да ги најдете оние кои одговараат на вашата кожа.