Знаете ли што е ваби-саби? Необичната навика заради која на Јапонците не им е проблем да чекаат во редови
Ваби-саби е јапонската мудрост да ја прифатиме непостојаната и несовршена природа на сè што не опкружува и да се одмориме од перфекционизмот, кој често е огромен извор на стрес во западната култура. Ако сакаме да копираме од Јапонците, треба да ја бараме убавината во несовршеностите, да ја цениме едноставноста и да ја прифатиме минливоста на сè, а мудроста да ја преточиме во секојдневна навика.
Ваби-саби се однесува на архитектура, уредување на домот, достоинствено стареење, поинаков поглед на успехот и неуспехот од западниот и сите други сегменти од животот кои помагаат да се поедностави сè и да се фокусира на она што е навистина важно.
Незавршените работи ѝ даваат работа на имагинацијата и поттикнуваат разиграност, па затоа не треба по секоја цена да се стремите кон совршенство.
10 практични примери на ваби-саби
1. Utsukushii, јапонскиот збор за убаво, првично доаѓа од терминот за „сакано“. Ова е причината зошто Јапонците сакаат да оставаат мебел што многу им значи во нивниот стан, дури и ако е оштетен. Скршената рачка на фиоката ваби-саби не значи дека треба да ја фрлиме целата маса или комода.
2. Јапонците нема само да заменат автомобил кој има акумулирано километри за помодерен, туку редовно ќе го носат на поправки.
3. Според принципите на ваби-саби, подобро е да имате винтиџ слики на ѕидовите отколку скапа дигитална рамка.
4. Според ваби-саби, поубаво е да се оди на ручек во гостилница отколку во бездушен модерен ресторан, како и внимателно да го слушаш другиот додека сте излезени, а не да водиш монолог.
5. Наместо градење мускули и пластична хирургија, поисплатливо е да работите на себе и да не се потпирате толку на физичкиот изглед.
6. Оние кои патуваат по принципите на ваби-саби не носат непотребни работи и куфери кои едвај можат да ги подигнат. Наместо магнети и разгледници, тие купуваат предмети кои имаат традиционална вредност или носат дома некаков сувенир, како камчиња од плажа.
7. Собирањето диви цвеќиња наместо купување букети има поголема вредност за свесните Јапонци.
8. Времето поминато во селфи фотографии исто така не е во склад со јапонската филозофија. Уживањето во моментот, дегустацијата на храната наместо фотографирањето и апсорпцијата на новите ситуации со сите ваши сетила е подобра алтернатива.
9. Скапиот хотел ќе го заменат со барање сместување кај домаќин, по можност во област која не е во туристичкиот дел на градот.
10. Стоењето во редови, доцнењето на возот или промената на планот не се причини за нервоза, туку моменти во кои можеме да паузираме и да го исклучиме мозокот од непотребни анализи.