Идеален почеток на денот: Веднаш штом ќе се разбудите, треба да ги испиете овие два пијалоци

Внесувањето течности ја подобрува циркулацијата во срцето и мозокот

Будењето, особено рано наутро, е тешко за многу луѓе. Организмот доживува одреден вид шок од состојбата на сонот, а новиот ден е пред нас. Како најдобро да се подготвиме за него и да се разбудиме? Дали ни е доволно само кафето или нешто друго, објаснува д-р Воислав Перишиќ.

Првото нешто што треба да го направиме по будењето е да ја подобриме циркулацијата, пред се микроциркулацијата во срцето и мозокот, нагласува професорот Перишиќ.

„Првата работа што треба да ја направиме по будењето е да испиеме 200 милилитри сок или вода. Течноста ја внесуваме за да го зголемиме обемот на циркулацијата, да ја подобриме циркулацијата во срцето и мозокот, што ќе го подобри автоматски протокот на кислород и шеќер“, додава гастроентерологот.

Најдобро би било денот да го започнете со нискоминерална вода со многу магнезиум, бидејќи магнезиумот ја подобрува микроциркулацијата и ги релаксира грчевите на крвните садови, препорачува д-р Перишиќ.

Ако земеме сок од портокал, најдобро е да биде со пулпата, иако е многу подобро да го изедеме целиот портокал отколку да исцедиме сок, пред се поради целулозата и спречувањето на запек.

Што се однесува до кафето, д-р Перишиќ нагласува дека кофеинот е главниот антиоксиданс. Во организмот внесуваме многу хемикалии, таканаречени ксенобиотици. За да ги исфрлиме треба да се обработат во црниот дроб, а за тоа се одговорни антиоксидансите. Официјалните препораки се до три шолји кафе на ден.