Изелтвалд: Швајцарското село во кое преку ноќ почнаа да се слеваат реки туристи
Сигурни сме дека сите сте слушнале за слаткото гратче недалеку од Салцбург, кое се вика Халштат. Па, тој австриски град живееше мирен живот додека пред неколку години не стана туристички хит, а во него почнаа да се слеваат реки од туристи. Цртаниот филм Frozen е заслужен за неговиот успех, бидејќи се покажа дека градот бил инспирација за снежното кралство Арендел, кое се појавува во цртаниот филм. Па, на сличен начин, актуелниот „напад“ на туристи го доживува и швајцарското село Изелтвалд!
Овде „виновникот“ за популарноста е јужнокорејската серија „Crash Landing on You“, во која сега има иконска сцена снимена во Изелтвалд, малото швајцарско село. Според шефот на локалната туристичка канцеларија, Титиа Веиланд, селото со околу 400 жители имало 1.000 посетители за секој локален жител од минатата година.
Огромно популарната серија првпат се емитуваше во декември 2019 година. Но, со оглед на тоа што ограничувањата поради КОВИД неодамна беа укинати во поголемиот дел од Азија, обожавателите на серијата сега ги исполнуваат своите соништа за патување. „Мислам дека скоро сите во Изелтвалд се среќни што имаат многу туристи бидејќи тоа е важно и полека се навикнуваме на тоа“, изјави Вајланд за Euronews. „Но, предизвик е да има толку многу туристи кои доаѓаат на многу кратка посета.
Посебна возбуда е да се посети место од една од вашите омилени серии или филмови, како што неодамна откри Мин Ха, кој дојде дури од Виетнам: „Мислам дека ова е едно од најромантичните места на светот, затоа и дојдов. Така што, корејските режисери направија многу добар избор со оваа локација и го популаризираа местото“.
Но, пристаништето, каде што е снимена најпознатата сцена, не е само позадина за убави селфи. Наменет е за мали чамци да се закотвуваат во Изелтвалд, објаснува Вајланд, и за луѓето кои го посетуваат блискиот ресторан. Напливот на гости се уште е голем, но некако, засега, градот се уште функционира. Очигледно и ќе продолжи, бидејќи тука научија што значи секојдневие со голем број туристи.
