Најсовршеното место за божиќните празници: Градот во кој светот сака да го помине Божиќ

Користејќи ги податоците од социјалните мрежи и резултатите од пребарувањето на Google, Cloudwards.net генерирал интересна листа на најпопуларните божиќни дестинации ширум светот.

Пребарувањето на оваа веб-страница за преглед на софтвер и алатки за приватност покажа дека повеќето луѓе од целиот свет сонуваат и планираат да дојдат во Лондон. Главниот град на Англија е на врвот на листата на желби во околу дваесет земји, вклучувајќи ги Шпанија, Холандија, Канада и Австралија.

Најчестите клучни зборови што се користат се „Божиќ во Лондон“ и „Работи што треба да се прават во Лондон за Божиќ“.

Виена во Австрија е вториот најпопуларен град за Божиќ, особено во Италија, Германија и САД.

На листата на десетте најпопуларни градови за прослава на Божиќ, повеќето од нив се во Европа. Единствен исклучок се Њујорк на третото место, кое го дели со Париз, и Токио во Јапонија на седмото место, кое го дели со Берлин, Минхен и Нирнберг во Германија, Амстердам во Холандија, Копенхаген во Данска и Стразбур во Франција.

Анализата на Cloudwards.net покажа дека Европејците најчесто остануваат во границите на сопствениот континент за време на Божиќ. Ако патуваат, одат во соседните земји, најмногу во градовите Виена и Будимпешта.

За Британците Прага е совршено место за божиќна пауза, а за Французите тоа е Брисел. Португалците го сакаат Париз, а Австријците Нирнберг.

Спротивно на тоа, многу канадски, американски и австралиски патници се среќни што патуваат далеку од дома за идеалниот божиќен одмор, покажуваат податоците.

Најпопуларните градови за славење Божиќ според анализата на Cloudwards.net:

1. Лондон, Обединетото Кралство
2. Виена, Австрија
3. Њујорк, САД
3. Париз, Франција
4. Будимпешта, Унгарија
5. Мадрид, Шпанија
5. Прага, Чешка
6. Брисел, Белгија
7. Токио, Јапонија
7. Белин, Германија
7. Минхен, Германија
7. Нирнберг, Германија
7. Амстердам, Холандија
7. Копенхаген, Данска
7. Стразбур, Франција