Од замокот на Заспаната убавица до куќата на Снежана и седумте џуџиња! Тргнете по патот на бајките и истражете го светот на браќата Грим

По патеката од бајките, можете да гледате театарски претстави бајки и да забележите статуи на сакани ликови и далечни земји.

Дали некогаш сте сонувале да откриете места од бајките од вашето детство како замокот на Заспаната убавица, шумите на Црвенкапа или домот на Снежана и седумте џуџиња? Ако е така, тогаш ова е авантура за вас.

На патување по германскиот пат од бајките, што и да посакате ќе ви се оствари. Без разлика дали спиете во хотели во замок или во оние со поглед на замокот.

Рутата започнува во Ханау, местото каде што се родени браќата Грим, и води сè до Бремен, каде што нивните необични свирачи тргнале во потрага по подобар живот. Освен во Ханау, браќата живееле и во Штајнау ан дер Штрасе (и двата денес официјално се „градови на браќата Грим“) и во Марбург, Касел, Гетинген и Берлин. Германската маршрута од бајките ги поврзува сите овие градови и животни фази на познатите браќа, освен Берлин.

Патеката долга 595 километри го оживува светот на митови и легенди што браќата Грим ги забележале во нивните бајки. Средновековните села, романтичните замоци, волшебните шуми, музеите и активностите овозможуваат уникатно искуство за целото семејство.

Бајковита понуда

Во романтичните паркови, тематските музеи, на мистичните шумски патишта или сцените од бајките оживеани преку костими, вечери со раскажување приказни и соодветни сценски програми, дури и ако одамна сте престанале да верувате во бајки – можеби ќе се премислите.

Секогаш кога ќе наидете на неа, оваа уникатна рута, по која се менуваат живописните пејзажи, замоци и палати, оддалечените села и градови со посебен шарм, добро ќе ве угости и ќе ве одведе во својот маѓепсан свет.