Стјуардесата Хени Лим им откри на своите следбеници на социјалните мрежи зошто стјуардесите седат на дланки за време на полетувањето и слетувањето.
Тоа е безбедносна процедура што таа и нејзините колешки мора да ја следат за да го намалат ризикот од повреди во случај на итност.
„Оваа поза вклучува цврсто врзување на безбедносниот појас, исправена положба, седење на раце, при што дланките се свртени нагоре, палците навлечени и рацете опуштени, како и поставување на стапалата рамно на подот. Целта е да се задржи телото во цврста положба за да не дојде до повреди во случај на непланирана итна ситуација“, објасни таа.
Лим и нејзината колешка потоа демонстрираа како тоа изгледа. Седнаа, се врзаа, ги ставија рацете под задникот и се „укочија“.
„Ова го ограничува движењето на телото, така што има помали шанси за повреда доколку има проблем“, рече таа.
Додаде дека и персоналот поминува низ „тивка подготовка“ пред секое полетување и слетување.
„Ова вклучува да се знае каде е опремата за итни случаи, да се проверат вратите, слушање наредби и забележување какви било визуелни знаци надвор од авионот“, рече таа.
@_hennylim_ Why do cabin crew sit on their hands while in their jumpseats? Check this video out to know! Special guest for today’s video: Clare demecillo Follow my Official Facebook Page: “Henny Joyce Lim” Follow me on Instagram: _hennylim_ #fyp #HJL #cabincrewlife #bracingposition #cebupacific #groundstop