Овие европски градови не се прв избор за патување, но воодушевуваат со ефтините цени и помалите гужви

Ако планирате одмор во град оваа година, можеби ќе сакате да ги игнорирате големите градови. Од потивки улици до поевтини летови, вторите по големина градови честопати можат да ви дадат многу подобро искуство.

„The Sun“ издвои шест дестинации кои не се прв избор за патување на многу луѓе, но воодушевуваат со поевтините цени и помалата гужва.

1. Темишвар

Романија е една од најприфатливите дестинации во Европа, но повеќето туристи сè уште масовно го посетуваат Букурешт, игнорирајќи го сето она што оваа земја може да го понуди.

Неодамна прогласен за најевтин градски одмор во светот, вториот по големина град Темишвар е исто толку евтин, но таму нема да најдете многу туристи.

2. Гетеборг

Гетеборг е вториот по големина град во Шведска, и иако не е многу поевтин од Стокхолм, тој е многу помирен и порелаксиран.

Убавите улици се полни со модерни кафулиња и ресторани, така што секогаш ќе можете да застанете и да земете ролна цимет или кафе додека шетате.

Посетете го во летниот период за време на музичкиот фестивал Way Out West или упатете се во 101-годишниот забавен парк Лисеберг и уживајте во возбудливите возења.

3. Лил

И покрај тоа што е еден од најпознатите главни градови во светот, Париз често ги разочарува туристите, што резултира со состојба позната како Париски синдром.

Одморот во Лил нуди многу помалку гужви, но подеднакво спектакуларна историја.

Градот бил дом на Шарл де Гол и има своја Триумфална капија.

Задолжително пробајте ги познатите градски вафли со крем од ванила и костен.

4. Валенсија

Иако Барселона е технички втор по големина град во Шпанија, Валенсија е многу подобра опција доколку сакате помалку гужва.

Главната атракција е Градот на уметностите и науката вреден 760 милиони фунти, кој изгледа како нешто од друга планета.

5. Порто

Иако и двата имаат раскошно асфалтирани згради и убави улици, единственото нешто што го има Порто што Лисабон го нема е многу песочни плажи за уживање.

6. Минхен

Повеќето туристи го сакаат Минхен за Октоберфест, фестивал каде што можат да ги пробаат најдобрите светски пива.

За оние кои бараат уникатни искуства, во Минхен можете да сурфате на реката Ајсбах, во главниот градски парк.