Употребете го правилото на „пет секунди“ за побрзо расчистување на нередот

Речиси секоја популарна техника за чистење бара од вас да групирате предмети во три или четири категории: оставате, фрлате, донирате и продавате. Ставањето на секоја ставка во вистинската категорија не е толку лесно, но постои трик наречен правило од пет секунди за да се направи процесот поефикасен.

„Правилото на пет секунди“ е техника на експертот за домашна организација Мел Робинс. Според Робинс, би требало да донесете големи одлуки за помалку од пет секунди, всушност додека одбројувате пет, четири, три, два, една. Вашиот мозок ќе знае дека на крајот од тоа одбројување треба да направи избор. Ова ќе ве поттикне да донесувате брзи и ефективни одлуки.

Како се применува правилото од пет секунди за расчистување?
Можете да го користите за да се мотивирате да започнете со чистење, но најчесто се користи кога размислувате дали треба да задржите или да фрлите нешто.

Колку помалку време си давате да донесете одлука, толку подобро ќе биде. Целта на расчистувањето е да се намали количината на работи што ги имате и да се организира она што останува, а не да се измислуваат куп изговори зошто треба да задржите нешто. Кога ќе земете нешто, обично инстинктивно знаете дали навистина ви треба. Предолгото размислување едноставно го губи вашето драгоцено време. За време на процесот на расчистување, одлучете во рок од пет секунди дали ви треба предметот или не. Не плашете се дека ќе донесете погрешна одлука. Ова е многу ефикасен метод, пишува Life Hacker.