Замислете да берете убаво, сочно јаболко, но наместо да ги зариете забите во него, ги зачувувате семките, а остатокот го фрлате – тоа обично го прават производителите на чоколади со плодот на какаото.
Сега научниците од Швајцарија смислија нов начин како да направат чоколада користејќи го целото овошје, а не само од семките. И без додаден шеќер!
Чоколадото направено од научникот Ким Мишра и неговиот тим на престижниот Федерален институт за технологија во Цирих користи пулпа, сок, па дури и кора од дрвото какао, пренесува РТС.
Новиот начин на подготовка веќе привлече големо внимание, особено поради неефикасноста на традиционалното производство на чоколадо, каде се користат само семките, а остатокот од плодот, со големина на тиква и полн со хранливи материи, се остава да гнили по нивите.
Клучот за новото чоколадо лежи во неговиот исклучително сладок сок, кој има „овошен вкус, малку како ананас“.
Овој сок, кој содржи 14 проценти шеќер, се дестилира во многу концентриран сируп и се меша со пулпата и исушената кора за да се добие многу слатко желе.
Кога ќе се додаде желе во зрната какао за да се направи чоколадо, потребата за шеќер е целосно елиминирана.
Мишра го гледа својот изум како најнов во долгата низа иновации од швајцарските производители на чоколади.
Во 19 век, Рудолф Линт, чие презиме стана синоним за добро чоколадо, случајно го развил клучниот чекор од специфичен метод за мешање на топлата чоколадна маса – да ја направи униформа и да ја намали киселоста – оставајќи го миксерот за какао да работи преку ноќ. Резултатот е вкусна, слатка чоколада.