Црните мачки отсекогаш биле обвиткани во мистерија, а токму тој впечаток го остава необичниот црн мачор по име Лука, кој секое одење до чешмата го претвора во вистинска мала претстава.
Имено, овој мачор не пие вода како другите мачки. Кога се приближува до чешмата, неговото однесување станува театарско, а изразот на неговото лице е толку драматичен што веднаш ги покажува забите и изгледа како лик од анимиран филм – малку како вампир, малку како безопасен змеј.
Видео од оваа слатка сцена го сподели корисник на TikTok, а главниот лик е црна мачка по име Лука, која очигледно ужива во капките вода што капат од чешмата.
Дали Лука навистина претпочита вода од чешма или тоа е само начин да се забавува, останува неважно кога ќе се појават неговите испакнати заби додека се обидува да ги фати капките. Токму овој детаљ ги освои срцата на милиони гледачи ширум светот.
Под видеото се насобраа коментари, од оние кои на шега признаа дека ги погледнале своите мачки и сфатиле колку се „досадни“ во споредба со Лука, до емотивни пораки од луѓе кои оваа глетка ги потсетила на своите поранешни миленици.
Имаше и такви кои се прашуваа дали сите мачки имаат иста навика, бидејќи и нивните миленици не можеа да одолеат на течечката вода од чешма.