Привлекол внимание со гламурозен стил
Познатата манекенка Џиџи Хадид повторно се појави на црвениот тепих и веднаш привлече внимание со својот гламурозен стајлинг кој потсетуваше на елеганцијата на старите холивудски диви.
Бројни познати личности се собраа на 12-то доделување на наградите „Breakthrough“ во Лос Анџелес, но токму Џиџи успеа да се истакне и да остави силен впечаток. По кратка пауза од јавните настани, нејзиното враќање не помина незабележано – напротив, многумина беа воодушевени од нејзиниот изглед.
За оваа пригода, манекенката, со совет од стилистката Елизабет Салцер, избра впечатлив бел фустан од брендот „Дејвид Кома“. Свилената креација совршено ја следи линијата на телото и ја нагласува нејзината витка фигура, додека деколтето и кројот потсетуваат на гламурот на златното доба на Холивуд.
Посебен шмек на целиот аутфит беше големата златна брошка, која дополнително го нагласуваше луксузот и софистицираноста на комбинацијата.
Кога станува збор за обувки, Џиџи избра елегантни сандали од брендот Андреа Вазен, моделот Керол Мул 75, кои дополнително ги истакнаа нејзините долги нозе.
Својот стајлинг го комплетираше со едноставна фризура – нежни бранови кои слободно паѓаат по грбот, како и дискретна шминка во голи тонови, која дополнително ја нагласуваше нејзината природна убавина.
Сè на сè, нејзиното враќање на црвениот тепих беше вистински моден хит кој нема да се заборави долго време.