Пробајте ја салатата со пржени тиквички, пиперки и кромид – лесен и здрав оброк со ароматичен дресинг од сенф, мед и лимон.
Оваа салата полна со вкус ќе ве воодушеви, а се подготвува брзо и лесно, што е дополнителен плус. Идеална е како прилог со месо или како самостоен летен оброк.
Состојки:
1 голема тиквичка
1 голема пиперка
1-2 главици црвен кромид
Сол и бибер по вкус
За дресингот:
1 лажичка оцет
1-2 чешниња лук
1 лажичка сенф
1 лажичка мед
2 лажички сок од лимон
1 лажица соја сос
Сусам за посипување
Подготовка:
Исечете ги тиквичките и пиперките на стапчиња или коцки, а кромидот на тенки полумесечини. Загрејте малку масло во тава и пржете ги тиквичките, пиперките и кромидот додека не омекнат и не поруменат.
Одделно, згмечете го лукот и измешајте го со сенфот, медот, сокот од лимон, соја сосот и оцетот за да направите дресинг. Во голем сад, измешајте го пржениот зеленчук со дресингот, зачинете со сол и црн пипер по вкус. Сервирајте наросен со сусам, топол или ладен.