Прегратките со помладата партнерка привлекоа внимание.
Холивудскиот актер Бред Пит го помина викендот во Париз со својата девојка, дизајнерката на накит Инес де Рамон, со која го гледаше женското финале на Ролан Гарос од трибините. Двајцата уживаа во спортскиот спектакл и не ги криеја своите емоции од публиката и фотографите.
За време на натпреварот помеѓу Полјачката Маја Хвалинска и Русинката Мира Андреева, Бред и Инес често разменуваа нежни зборови. Во еден момент, актерот ја прегрна својата партнерка, додека таа му шепна нешто на уво, што привлече големо внимание од присутните.
Иако се појавуваат заедно во јавноста од 2022 година, ваквите сцени не се вообичаени кога е во прашање познатиот актер, кој најчесто го држи својот приватен живот подалеку од очите на јавноста.
За оваа пригода, Бред Пит избра опуштена комбинација со големи очила за сонце, додека Инес блескаше во елегантен крем фустан и зелена кожна јакна.
Според странските медиуми, двојката уживала на концерт на Red Hot Chili Peppers и романтична вечера за време на престојот во француската престолнина.