Инфлуенсерка откри едноставен трик на својот Инстаграм профил за да спречи храната да се залепи за тавата.
Денес, скоро сите тави имаат премаз или заштитен слој одвнатре, што спречува храната да се залепи за време на пржењето, но овој слој се оштетува со текот на времето.
Едно од најлошите сценарија што може да ѝ се случи на домаќинка во кујната е храната што ја подготвувала со часови да се залепи за тавата. Потоа доаѓа макотрпниот напор за отстранување на храната, и конечно темелно миење, бидејќи триењето, се разбира, не се препорачува. За среќа, постои многу едноставно решение за овој проблем.
Трик за чистење тава
Софи Луис е инфлуенсерка и мајка која секојдневно објавува видеа на социјалната мрежа Инстаграм во кои покажува трикови за чистење. Па овој пат таа откри ефикасно решение за да спречи храната да се залепи за тавата. Според неа, првото нешто што треба да направите е темелно да ја измиете тавата со детергент за миење садови.
- Откако ќе ја исплакнете, добро избришете ја со сува, памучна крпа за да не остане ни капка вода – рече Софи.
Загрејте ја тавата на силен оган и кога ќе почне да чади, тргнете ја од шпоретот. Рамномерно распоредете околу две лажици сол на дното од тавата, или доволно за да го покриете дното со сол. Вратете ја тавата на жешката плоча и почекајте околу една минута. Потоа, темелно отстранете ги сите остатоци од сол со салфетка, а потоа вратете ја тавата на шпоретот и истурете го маслото. Кога маслото е жешко, тавата е подготвена за употреба и пржење храна.
На овој начин ќе создадете посебен заштитен слој на дното од тавата, благодарение на кој храната нема да се залепи и изгори.