Доколку сте љубител на кокос и едноставни колачи, обавезно пробајте го овој рецепт. Комбинацијата од кокос, нежен крем и меки бисквити е идеална кога сакате нешто вкусно без многу компликации.
Овој десерт им одговара на сите бидејќи не бара печење.
Состојки:
- 800 грама бисквити
- еден литар млеко + дополнително млеко за потопување на бисквитите
- 100 грама кокос
- три кесички пудинг од ванила
- 100 грама маргарин или путер
- 100 грама бело чоколадо
- осум лажици шеќер
- една лажица шеќер во прав
- 200 грама млеко во прав
Подготовка:
Прво, измешајте го пудингот од кесичката со шеќер и додадете 200 милилитри млеко. Промешајте за да нема грутки. Истурете го остатокот од млекото во тенџере и гответе на тивок оган. Кога млекото ќе зоврие, тргнете го од оган и додадете ја смесата за пудинг.
Вратете го тенџерето на шпоретот и продолжете со готвењето додека смесата не се згусне. Потоа, тргнете го од шпорет и додадете го млекото во прав и чоколадото. Кога сè ќе се стопи, додадете го кокосот.
Оставете го кремот да се олади, но покријте го со пластична фолија за да не се направи кора одозгора. Додека кремот се лади, изматете го путерот и шеќерот во прав заедно и постепено додавајте ја изладената смеса за пудинг во смесата. Добро изматете сè.
На плехот за печење наредете ги бисквитите што претходно сте ги потопиле во млеко. Намачкајте ја половината од кремот, а потоа наредете ги останатите бисквити. На крај, додадете го остатокот од кремот. Откако ќе се олади, можете дополнително да го збогатите колачот со шлаг.