Една од најретките раси на мачки во светот, мачката Минскин има екстремно кратки нозе и наликува на Голум од „Господарот на прстените“ по изглед, а кожата ѝ е речиси без влакна.
Ретка и убава, мачката Минскин е создадена кон крајот на 1990-тите. Расата ја развил Пол МекСорли, вкрстувајќи ги расите Манчкин и Сфинкс, кои по 5 години произвеле само 50 Минскин, пишува Cuteness.
Бидејќи расата е стара само неколку децении, а нејзината популација е многу мала, сè уште не е официјално признаена. Нејзината генетика и ограничената популација диктираат цена што надминува илјадници евра.
Минск е друштвена, љубопитна и разиграна мачка и како таква е одлично домашно милениче. Минскин може да биде и многу смирена и пријателска со децата, но мора да ја надгледувате нивната игра, бидејќи оваа мачка е многу кревка, а децата често забораваат да бидат нежни кога ја држат. Кратките нозе и недостатокот на влакна можат да ја предиспонираат Минскин кон одредени здравствени проблеми.
Нејзиното кратко тело е резултат на состојба наречена ахондродисплазија. Генетското нарушување одговорно за џуџестата мачка кај расата може да резултира и со мала вилица, дебели зглобови, закривен ‘рбет и свиткани нозе или колена. Кратките нозе го прават Минскин подложен на остеоартритис.
Минскин се сложува добро со други домашни миленици, не само со мачки, туку и со кучиња. Сепак, малите животни како глодари треба да се држат подалеку од Минскин поради неговиот природен инстинкт за лов, бидејќи сепак е мачка. Како и со секое ново домашно милениче, најдобро е полека да го запознаете со други животни, без разлика колку се пријателски расположени.
Иако мачките од расата Минскин се многу ретки, нивните сопственици тврдат дека оваа мала мачка има идеални квалитети за домашно милениче.
Ако барате интересна, пријателска и необична мачка, Минскин е одличен избор, под услов да можете да набавите една.