Го прослави роденденот со својот млад сопруг.
Малкумина би верувале дека поминаа повеќе од три децении откако Хајди Клум се појави на модната сцена. Германско-американската манекенка, водителка и претприемачка денес го слави својот 53-ти роденден, а продолжува да привлекува внимание каде и да се појави.
Многумина се согласуваат дека изгледа речиси исто како на врвот на нејзината манекенска кариера. Додека таа продолжува да ги освојува модните писти, телевизиските емисии и социјалните мрежи, нејзиниот брак со Том Каулиц, кој е 16 години помлад, никогаш не престанува да ја интригира јавноста.
Љубовта со која годините не можат ништо да направат
Парот е во брак од 2019 година, и покрај бројните коментари за разликата во годините, двајцата не се грижат за тоа и се позаљубени од кога било.
Хајди никогаш не криела колку е среќна со Том. Напротив, таа проговорила сосема отворено за нивната врска. Во интервју за британскиот „The Times“, таа низ смеа рече: „Повеќе немам болки во грбот и колената, откако го имав мојот сопруг“.
Оваа нејзина изјава веднаш привлече големо внимание од медиумите ширум светот, а многумина ја протолкуваа како доказ за тоа колку е задоволна и исполнета во приватниот живот.
Сепак, интригантната Хајди не застана тука. Зборувајќи за нивниот брак, Хајди без двоумење додаде: „Нашиот сексуален живот е одличен“.
Нејзината искреност потоа предизвика бројни коментари, но и симпатии од обожавателите кои ја пофалија што не криеше колку уживала во љубовта кон својот сопруг.
Од супермодел до моќна жена
Како тинејџерка, Хајди Клум победи на престижен натпревар за моделирање меѓу 25.000 регистрирани девојки, по што се пресели во Њујорк.
Вистинска светска слава стекна во 1998 година појавувајќи се на насловната страница на специјалното издание на списанието „Sports Illustrated“, а набрзо стана и првиот германски ангел на брендот „Victoria’s Secret“.
Подоцна, успешно изгради кариера на телевизија како водителка и член на жирито на емисиите „Project Runway“, „Germany’s Next Topmodel“ и „America’s Got Talent“.
Денес, нејзиното богатство се проценува на неверојатни 160 милиони долари!