Летото е совршено време за полесни оброци, а тиквичките се една од оние јадења што може да се подготват на безброј начини во ова време од годината. Ако барате едноставен и вкусен ручек без месо, лазањите со тиквички и сирење се одличен избор.
Оваа верзија на класичната лазањи комбинира сочни тиквички со кремаста рикота, моцарела и бешамел, сето тоа дополнето со арома на свеж босилек и пармезан. Рецептот е лесен за подготовка, а резултатот е лесно и вкусно јадење во кое ќе уживаат и вегетаријанците.
Состојки:
За лазањите:
- 250 г листови за лазањи
- 2 средни тиквички
- 300 г рикота сирење
- 200 г моцарела
- 50 г рендан пармезан
- маслиново масло
- сол
- бибер
- свеж босилек
За бешамелот:
- 50 г путер
- 2 лажици брашно
- 500 мл млеко
- 1 прстофат морско оревче
- сол
- бибер
Подготовка:
Во тенџере, растопете го путерот, додадете го брашното и мешајте една до две минути. Постепено додадете го млекото, мешајќи постојано за да не се создадат грутки. Додадете сол, бибер и морско оревче. Гответе на тивок оган пет до седум минути, мешајќи повремено, додека сосот не се згусне.
Измијте ги тиквичките и исечете ги по должина на тенки парчиња. Премачкајте ги со малку маслиново масло, зачинете со сол и пржете ги кратко во загреан тав, две до три минути од секоја страна, колку да омекнат.
Ставете малку бешамел сос на дното од сад за печење. Наредете слој листови за лазањи врз нив, потоа додадете ги тиквичките и намачкајте малку од рикота. Прелијте со малку бешамел сос, наросете со моцарела и додадете неколку свежи листови босилек.
Повторете го процесот додека не ги потрошите сите состојки. Конечно, завршете со слој бешамел сос и наросете со рендан пармезан.
Печете ги лазањите во претходно загреана рерна на 180 степени околу 35 до 40 минути, или додека површината не добие убава златно-кафеава боја.
По печењето, оставете ги лазањите да отстојат околу десет минути пред да ги исечете. Ова ќе им овозможи на слоевите малку да се оладат, што ќе го олесни сервирањето. Уживајте!