Ако очекувате гости и сте забележале дека едноставно немате доволно леб, не грижете се, постои едноставно решение. Овие лепчиња за во тава се прават брзо и не бараат квасец, што ги прави идеални кога ви треба дополнителен леб за оброк.
Тие се одлична опција за оние кои имаат малку време и сакаат да избегнат печење во рерна.
Состојки:
500 грама брашно
една кесичка прашок за пециво
две мали јајца
една лажичка сол
300 милилитри јогурт
масло
Подготовка:
Во голем сад, измешајте го брашното, прашокот за пециво и солта, а потоа додадете ги јајцата и јогуртот. Месете додека не добиете мазна смеса. Поделете го тестото на шест до осум еднакви парчиња и обликувајте ги во топчиња. Развлечете ја секоја топка со сукало во форма на лепче.
Загрејте тава на средна температура и лесно премачкајте ја со масло. Печете ги лепчињата две до три минути од секоја страна, додека не добијат златно-кафеави точки.
Готовите лепчиња можете да ги ставите во пластична кеса за да останат меки. Сервирајте ги како замена за леб или со вашите омилени намази и прилози.