Холивудскиот актер Хју Џекмен и неговата колешка Сатон Фостер се во криза, а нивните планови за свадба се на чекање.
Актерката моментално не сака да се омажи за ѕвездата од „Вулверин“ поради неговото наводно „егоцентрично и претерано захтевно“ однесување. Чудно е, но не ѝ пречело таквото однесување кога двајцата ги изневеруваа своите сопружници.
„Сатон многу го сака Хју, но тој може да биде многу егоцентричен и емоционално тежок. Таа го разбира, но не сакаше да стане негова емоционална поддршка. Ѝ треба партнер, а не некој за кого ќе мора постојано да се грижи“, тврди извор близок до двојката.
Двојката наводно започнала заедничка терапија за да ги надмине проблемите во врската. „Додека Хју не најде поголема емоционална стабилност, Сатон смета дека е најдобро да ја остави темата за брак настрана“, додаде изворот.
Порано, некои странски медиуми пишуваа дека Хју Џекмен и Сатон Фостер се свршиле за време на одмор во Костарика на почетокот на 2026 година и дека планираат свадба.
Исто така, се објавува дека двојката преговара за предбрачен договор вреден околу 200 милиони долари, кој, според медиумските извештаи, би вклучувал клаузула за исплата од 50 милиони долари во случај на пријателска разделба. Истите извори тврдат дека договорот е првенствено наменет за заштита на нивните деца.
Хју Џекмен и неговата поранешна сопруга Дебора-Ли Фернес се разведоа по 27 години брак во јуни минатата година, а причината беше љубовната врска на познатиот актер со неговата колешка Сатон. Сатон Фостер поднесе барање за развод од сценаристот Тед Грифин во мај 2025 година.