Социјалните медиуми се преплавени со рецепт за сок од кокосова вода и морков за кој дамите тврдат дека ќе ви даде беспрекорно чиста кожа.
За да го подготвите овој рецепт, потребни ви се следниве состојки:
- 120 милилитри сок од морков
- 120 милилитри кокосова вода
- Свежо исцеден сок од лимон или лимета (по желба)
- Коцки мраз
Подготовка:
Ако немате сок купен од продавница, прво исчистете ги и исцедете ги морковите. Ставете неколку коцки мраз во голема чаша. Истурете сок од морков и кокосова вода во сооднос 1:1.
По желба, додадете свежо исцеден сок од лимон. Добро измешајте сè и испијте го веднаш.
Зошто овој сок е добар за вашата кожа
Комбинацијата од бета-каротен од моркови и екстремната хидратација што ја обезбедува кокосовата вода полна со електролити буквално ја храни вашата кожа одвнатре. Ако ви се чини дека вкусот на овој сок е премногу сладок, додадете парче ѓумбир.