Руската салата е задолжителна на трпезата, но верзијата со мајонез може да биде премногу тешка. Идеална замена е комбинација од павлака и сенф, која ја задржува кремастата текстура и речиси истиот вкус, но е многу полесна опција.
Руската салата е класика на секоја трпеза, особено со месо. Обично се прави со мајонез, што ѝ дава препознатлива кремаста текстура и ги поврзува сите состојки заедно.Сепак, мајонезот е богат со калории,па затоа е добро да се знае дека постои полесна алтернатива.
Наместо мајонез, можете да користите комбинација од павлака и сенф. Сè што треба да направите е да измешате една шолја павлака со една до две лажички сенф, што може да замени околу 200 грама мајонез.
Павлаката убаво ќе го соедини зеленчукот, додека сенфот ќе додаде мала зачинетост и ќе го освежи вкусот. Многу професионални готвачи се одлучуваат за оваа варијација бидејќи ја задржува кремастата текстура, но го прави јадењето полесно. Уште еден мал трик Наместо кисели краставички, можете да додадете ситно рендано кисело јаболко. Тоа ќе ја даде потребната доза на свежина и блага киселост, со малку поинаква текстура. Руската салата подготвена на овој начин ќе биде полесна, но сепак вкусна и богата. Доколку сакате, можете да додадете неколку капки маслиново масло за дополнителен вкус, но дури и без тоа, павлаката и сенфот се одлична и едноставна замена за мајонез.