Намалете ги темните кругови.
Не мора да се одлучувате за скапи козметички третмани за да се ослободите од темните кругови. Понекогаш, доволни се мали промени во негата на кожата.
Постојат голем број трикови кои помагаат темните кругови да бидат помалку видливи или речиси невидливи.
Зошто се појавуваат темните кругови?
Кожата околу очите е многу тенка и чувствителна, што ги прави крвните садови под неа повидливи. Генетиката има големо влијание, но со возраста доаѓа до губење на колаген, еластичност и масно ткиво, што дополнително ги нагласува темните кругови под очите. Недостатокот на сон, дехидрацијата, алергиите, стресот, лошата исхрана и прекумерното изложување на сонце, исто така, можат да ги зголемат темните кругови. Затоа дури и оние кои редовно одмараат можат да имаат изразени темни кругови под очите.
Како да се ослободите од темните кругови?
1.Ладни облоги за брзо олеснување – Ставете коцки мраз завиткани во крпа, ладни лажици или гел маска за очи врз затворените очни капаци 5-10 минути. Ова помага да се намали отокот и ги стеснува крвните садови, така што вашите очи изгледаат веднаш посвежо.
2.Масажа и лимфна дренажа – Масирајте го пределот под очите со кружни движења со прстите или користете ролер. Масажата ја движи лимфата и ја подобрува циркулацијата, што помага во намалување на темните кругови и отокот.
3.Креми и серуми со кофеин – Кофеинот ги стеснува крвните садови, додека пептидите и хијалуронската киселина ја исполнуваат тенката кожа под очите. Нанесете го серумот наутро и навечер за најдобри резултати.
4.Витамин Ц и ретинол – Серумите и кремите со витамин Ц ја осветлуваат кожата, додека ретинолот го стимулира производството на колаген и ја зајакнува тенката кожа, правејќи ги крвните садови помалку видливи.
5.Правилна примена на шминка – Коректор кој ги неутрализира синкавите или кафеавите тонови се нанесува со тапкање, а не со размачкување. Завршете со тенок слој пудра за да го продолжите ефектот.
6.Хидрирајте се одвнатре и однадвор – Пијте многу вода и избегнувајте сол и алкохол, кои предизвикуваат задржување на течности, што доведува до оток под очите.
7.Облоги од природен чај – Изладете ги кесичките зелен чај или чај од камилица и ставете ги на очите 10 минути. Тие го намалуваат воспалението и малку ја осветлуваат кожата околу очите.