Подготовката на ова традиционално слатко вклучува и сечење, што е предизвик за многумина, а еве како да го направите тоа на најлесен начин ако сакате да добиете изглед на ѕвезда.
Кога ќе завршите со редење на кората и филот, прво израмнете ја површината. Најдобро е да користите тенок и добро наострен нож, кој можете да го премачкате и со масло.
Методот на сечење „ѕвезда“ е малку покомплициран, меѓутоа, ако го следите шаблонот – нема да имате никакви проблеми.
Прво, поделете ја баклавата на еднакви делови – како парчиња пица – како што е прикажано во шаблонот. Потоа, исечете го секое „парче“ во форма на превртена буква V. Почнете од дното и повторувајте во редовни интервали.
Конечно, исечете вертикални линии на двете „парчиња“. Важно е ножот да помине низ сите слоеви. Кога баклавата ќе се испече и ќе се прелие со агда, нежно одете по истите линии за да ги одвоите парчињата.
Ако оваа опција ви е премногу комплицирана, можете да ја пробате наједноставната.
Прво цртајте прави линии паралелно (на пр. вертикално), а потоа дијагонално во спротивна насока за да добиете ромбови.