Правилно избраната природна маска може да ви помогне вашата кожа да изгледа поодморена, помека и поздрава по само неколку употреби.
Краставицата е еден од наједноставните, но и најефикасните сојузници во негата на кожата.
Благодарение на високата содржина на вода, витамини и минерали, таа го освежува лицето, ја хидрира кожата и ѝ помага да изгледа поодморена и посјајна.
Со неколку дополнителни состојки, лесно можете да направите маска прилагодена на вашиот тип кожа.
Состојки:
- 1 мала краставица
- 1 лажица павлака
Измијте ја и исечкајте ја краставицата во блендер, потоа додадете ја павлаката. По желба, додадете неколку капки маслиново масло за дополнителна нега.
Нанесете ја маската на чисто лице, врат и деколте, оставете да делува околу 30 минути, а потоа исплакнете прво со топла, а потоа ладна вода. Конечно, нанесете крем за сува кожа.
Повторувајте го третманот неколку пати неделно.
Маска за мрсна кожа
Состојки:
- 1 мала краставица
- 1 лажичка свежо исцеден сок од лимон
- 1 лажица кисело млеко
Измешајте ги сите состојки во мазна смеса и нанесете на исчистена кожа. По половина час, исплакнете ја маската со топла, а потоа ладна вода и нанесете лесна хидратантна крема.
За најдобри резултати, користете ја двапати неделно.
Маска за нормална кожа
Состојки:
- 1 мала краставица
- 1 лажичка мед
Исечкајте ја краставицата, додадете мед и добро измешајте. Нанесете ја смесата на лицето, вратот и деколтето и оставете ја да делува околу 30 минути.
Исплакнете со топла, а потоа ладна вода, исушете го лицето со тапкање и нанесете ја вашата вообичаена крема.
Можете да ја користите оваа маска на секои два до три дена за да ја одржите вашата кожа свежа, мека и сјајна.