Отсуството од црвените теписи не е само бегство од љубопитните очи, туку и моќен ПР потег.
Пејачката Тејлор Свифт (36), несомнено една од најголемите музички ѕвезди на денешницата, изгради империја вредна повеќе од милијарда долари и сруши рекорди со својата турнеја “Eras”. Сепак, и покрај нејзината глобална слава, нејзините појавувања на настани како Мет Гала, црвени теписи и церемонии за доделување награди станаа реткост. Додека светот се прашува зошто најмоќната жена во музичката индустрија се крие, одговорот лежи во внимателно изработената ПР стратегија.
Пресвртна точка во 2016 година
Клучен момент се случи во 2016 година. По јавната расправија со Канје Вест и Ким Кардашијан и интензивното медиумско внимание кое го прикажа нејзиниот љубовен живот на начин што таа го опиша како сексистички термин, Свифт се повлече од јавноста. Следеше една година молк, пред да се врати со албумот “Reputation”,таа ера целосно го промени нејзиниот однос со медиумите. Наместо да дава интервјуа, таа комуницираше директно со фановите преку социјалните медиуми, со јасна порака (и текстот на песната): „старата Тејлор е мртва“.
Во овој период, таа започна врска со актерот Џо Алвин, со кого донесе свесна одлука да го чуваат својот заеднички живот подалеку од очите на јавноста. Како што откри во нејзиниот документарец „Мис Американа“, и покрај негативната перцепција во медиумите, таа конечно беше среќна во својот приватен живот. Оваа одлука да го одвои професионалниот и приватниот живот стана основа на нејзиниот нов пристап кон славата.
Воздржувањето од црвениот тепих не е само бегство од љубопитните погледи, туку е и моќен ПР потег. Свифт и нејзиниот тим, предводени од долгогодишната публицистка Три Пејн, го усовршија ПР прирачникот на Тејлор Свифт, кој се базира на стратешко молчење и внимателно темпирани објави. Наместо да дозволи медиумите да ја обликуваат нејзината приказна, таа го прави тоа сама. За време на ерата на “Reputation”, таа целосно ги заобиколуваше традиционалните медиуми. Не даваше интервјуа и заедно со физичкото објавување на албумот, продаваше свои списанија во кои беа објавени нејзините песни, фотографии и поезија. Со тоа, таа стана свој издавач.
Одбрани излегувања и борба со папараците
Иако ги избегнува повеќето настани, Свифт не се повлече целосно. Сепак, нејзините појавувања беа ограничени на внимателно одбрани пригоди, како што се церемонии за доделување награди каде што беше номинирана или победуваше. Таа не е видена на престижната Мет Гала од 2016 година, а причините за нејзините отсуства се наведуваат како преклопување на распоредот или подготовки за важни приватни настани.
Во исто време, нејзината врска со американскиот фудбалер Тревис Келси (36) донесе нов вид експонираност. Таа редовно се појавуваше на неговите натпревари, но овие излегувања се перцепираат како поддршка за нејзиниот партнер, а не како обврска. Таа е позната по тоа што користи тактики за да се скрие од папараците, како што се огромни чадори што ја штитат од објективите и бројни обезбедувачи. Секој чекор надвор од куќата, дури и најобичниот, бара огромно планирање за да се одржи приватноста.