Пекинг – здравствените власти во јужната кинеска провинција Гуангдонг соопштиле дека ќе го истражуваат болничкиот тим на лекари кои новороденчето го прогласиле по грешка за мртво и го испратиле во мртовечница.
Инцидентот се случил на 26 октомври, според соопштението трдницата била префрлена во болница поради внатрешно крварење и грчеви во стомакот.
Новороденчето не дишело ниту пак плачело. Тимот на лекари констатирале дека бебето е мртво.
Но, снаата на родилката пола час по породувањето побарала да го види бебето и кога ја отворила пластичната ќеса видела дека бебето всушност е живо.
Шокот бил уште поголем кога виделе дека бебето е момче, а не девојче како што предхнодно им кажале. Бебето веднаш било префрлено на интензивна нега.
Налутени и гневни, мајката и сопругот ќе ја тужат болницата и ќе бараат 300.000 јуани (45.000 долари).
httpv://www.youtube.com/watch?v=e7uqK_QGEbk