За разлика од првобитниот период во кој заинтересираните корисници сами ги активираа своите нови Facebook профили, односно Timeline, сега Facebook го воведува на сите.
Во наредните неколку недели Timeline ќе ги замени старите профили на сите корисници на Facebook, објавено е денес на официјалниот блог.
Корисниците, баш како и во случајот кога бараа сами да го активираат, ќе имаат седум дена да прегледаат што се наоѓа на нивниот Timeline, пред тој да стане јавен.
Оние што сакаат, може да го направат јавен и порано.
Опцијата View As сега е подостапна од порано, се наоѓа на вашиот Timeline, горе лево, па лесно можете да проверите што од информациите гледаат луѓето од вашата листа на пријатели.
Сите дополнителни информации можете да ги пронајдете на facebook.com/timeline, а кога оваа можност ви биде достапна, Facebook ќе ви понуди на кратко да ви ги покаже сите можности кои Timeline ги нуди.
