Апликацијата FrontierVille на Фејсбук влезе во Гинисовата книга на рекорди откако на еден коментар поставен од корисник на оваа апликација одговориле повеќе од 1.000.000 луѓе, со што за прв пат пост на Фејсбук достигнал седумцифрена бројка на коментари.
На 31 јануари 2012 година овој пост имал 1.001.552 коментари, а самиот пост бил поставен на 30 октомври 2011 година. Постот го објавила британката Трејси Хогсон, која вели дека е навистина среќна што успеала да го сруши претходниот рекорд поставен од Роберто Еспосито од Италија.
Таа започнала да игра FrontierVille по примерот на својата ќерка, и вели дека ужива да им помага на другите корисници кои уживаат во играњето на оваа игра на Zynga.