Ви здосадија црната и белата боја во која Apple ги нуди своите iPad-и? Ако вашиот одговор е да и доколку имате пари, еве можност да се почастите.
Gold & Co, компанија со седиште во Лондон и Дубаи, го произведе првиот iPad 3 кој е обложен 24-каратно злато.
Првиот златен модел ќе биде изложен во најголемиот трговски центар во Дубаи пред да биде понуден на продажба, а целиот приход од продажбата оди во добротворни цели, пишува Т3.com.
Само 250 вакви модели ќе се најдат на продажба, така ќе мора да побрзате доколку сакате да дојдете до еден.
Цените, како и што се очекуваше, се големи. „Стандардниот” модел на новиот iPad од 64 гигабајти, 4G WiFi чини 800 долари, меѓутоа за 24-каратната верзија ќе мора да издвоите 4.599 долари.
