Самоубиството на 16-годишна ученичка ја шокирало јавноста. Тинејџерката е фатена дека пиела алхокол во училиште. Наводно се исплашила од казната и скокнала од мост.
Венди Мегвајер (16) донела вотка во училиштето. Наставничката почувствувала дека Венди мириса на алкохол и ја испратила кај директорот. Тој ги повикал нејзините родители да дојдат во училиштето.
Во меѓувреме, Венди излегла од училиштето и скокнала од блискиот мост. Девојката подлегнала на повредите, пишува Daily Mail.
-Венди не била човек кој реагира импулсивно. Таа се уплашила од казната која ја очекува и одлучила да се убие. Вакво нешто никој не очекувал од неа, вели истражителот.
Нејзините соученици со кои фаталниот ден пиела алкохол, велат дека Венди дошла до училницата, им кажала да се ослободат од пијалокот, ги прегрнала и заминала.
Венди била одлична ученичка и планирала да се запише на колеџ. Пријателите и семејството никако не можат да сфатат зошто се убила поради прекршок на училиште.
Полицијата го истражува случајот.
