Енио Мориконe е италијански композитор, добитник на престижната филмска награда Оскар.
Енио Мориконе е роден во Рим на 10-ти ноември 1928 год. Познат по своите бројни филмски музички теми, напишал повеќе од 500 во целокупната своја кариера, од кои 30 напишал за вестерн филмовите. Сепак, најмногу познат е токму по нив. Неговиот карактеристичен и мошне имитиран стил на компонирање за овој жанр на филмови може да се долови преку музиката за филмот Добриот, лошиот и грдиот на режисерот Серџо Леоне со кого Енио Мориконе имал долга и плодна соработка.
Музичкото творештво на Мориконе вбројува исто така и голем број композиции кои не се направени за филмови и кои можат да се класифицираат во жанрот на современата музика: театарски опери, симфониски дела како и дела за оркестар и солисти, хорски композиции, камерна музика итн.
Енио Мориконе е Академик на Националната Академија на Санта Чечилија како и долгогодишен член на престижното здружение Нова Хармонија која во Италија игра важна улога во ширењето и продукцијата на современата музика. Мориконе продал повеќе од 40 милони дискови.
http://www.youtube.com/watch?v=wLYQG2LmMiU&feature=BFa&list=AVGxdCwVVULXcRwFDizMtsH6lRzUt7N9HM&index=16
http://www.youtube.com/watch?v=i8PQ_yT89Sc&feature=BFa&list=AVGxdCwVVULXcRwFDizMtsH6lRzUt7N9HM&index=17