Во текот на Mај 2005 година, триото составено од Чад Харли, Стив Чен и Џевд Карим го создадоа мегапопуларниот видео сервис YouTube. Тие одлучиле да си заминат од PayPal каде биле вработени и решиле да создадат онлајн видео сервис, и како што се испоставило, тие во тоа не згрешиле.
Чад Харли, Стив Чен и Џевд Карим го започнале сервисот YouTube со почетната инвестиција од Sequoia Capital, во износ од 11.500.000 $, кој инвеститорот им ја исплаќал се до 2006 година. Во текот на овој период од 2005 година на корисниците на YouTube им е лансирана и бета верзијата, додека официјална презентација на финалната верзија била во Ноември истата година.
За една година подоцна, во Ноември 2006 година. YouTube стана сервис во сопственост на интернет гигантот Google, кој за оваа зделка исплатил 1.6 милијарди долари.
Во текот на 2006 година YouTube изјавил дека секој ден се внесуваат 65.000 нови видеа а сајтот има 100 милиони посетители дневно. Работите сега се значително различни. Секоја минута од корисниците на YouTube се поставува видео материјал со должина од 48 часа, а YouTube дневно има три милијарди посети!